LUDDAREDDU

Innanzi chi portivechju duvintessi stu locu turisticu cunisciuti da tutti i so abitanti si ni scappavani di statina pà cuddà si ni à u friscu in muntagna luntanu da i tampi , i zinzala, a sichina... L'omini erani ubblicati à stacci fini à fin di luddu pà travaddà in ortu, livà u suvaru, codda u sali. a fin di luddu era dunqua affistata da i purtivichjaci. U 31 di luddu faciani una spezia di"mascaciu"" U Luddareddu " ch'iddi faciana passà in prucissioni pà tuttu u paesu e u bruciavani in paesu o in ghjò in a salina . Eccu ciò ch'iddi cantavani :

« O Luddarè, o rè di l’istatina

Hè vinutu u mumentu di a partenza

À chì veni da muntagna o da marina

A datti l’ultima ricunniscenza

Tù sii ciucilonu o carcu à stracci

Par no se u Rè di i Portivichjacci

È quandu no ti vidimu passà

Cantemu o Luddarè chì ti ni và…

Quandu tù vultarè l’annu chì veni

Lascia li to affanni à lu rughjonu

Ùn purtà sempri i to busgiacchi pieni

Di tampa arrabbiata è di bufonu

Sminticati i chjavi di a sicchina

Sinnò ti picciaremu in a salina

Aiuta i to piaghjinchi à rifiatà

O curciu Luddarè chì ti ni và...”