AL DI LA DI U FORU …
« Forum » ramenta, in lingua latina, a piazza publicca induva l’omini scambiaianil’idei. Di fatti,stu foru avvia pa’ scopu chi al di là di l’idei di ciascunu, ugnunu si
puddissi sprima nant’a u termini missu da u Cunsigliu Custituzziunali Francesu nant’a a prurugazzioni di l’arresti « Miot ». ugnunu pudia sprimasi ma certi ani dicisu
d’ùn vena micca…
Issu foru era un spazziu. E ci so tant’altri altri spazzi induva ugnunu po fa cunoscia u so parè. Ma issa sera di u 25 di ghjennaghju, a u golfu di Lezza, avemu pruvatu di fà
scambià, al di là di i so idei o indiaturi pulitichi tutti quiddi chi si sentini cuncirnati da l’attu vituperiu cacciatu da ‘ssu Cunsigliu Custituzziunali. Vituperiu parchi, i corsi di ceppa so
nigati, e a u nome di a cussì ditta ugulità di i citadini s’hani a ritruvà spatrunati di a so tarra…
Si monda purtivichjacci si so adduniti pa’ participà e scambià, prova chi t’hani cuscenza di a difficultà di a situazzioni, e si i parsoni, hani fattu valè u so attacamentu a a tarra e a
nicissità di metta in ballu un andatura cumuna di salvezza, piccatu chi certi, particularmenti di a noscia « casa cumuna » ùn sighini vinuti…
Po dassi chi anu prifiritu u so cunsigliu municipali, locu di sola sprissioni pa’ iddi. E micca in altro !!! Eppuri a prisenza di u merri di Bunifazziu, Ghjuvan Carlu Orsucci e
quidda di u Cunsiglieru Ginirali, cunsiglieru municipali di Portivecchju Altrimenti (opposizzioni) e militenti di u Partitu Nazziunali Corsi, Ghjuvan Cristofanu Angelini, a mezz’a
tutt’iss’aghjenti spiazzati chi so in l’incertezza , dipoi l’annuncia di u termini di a prurugazzioni, so a dimustrazzioni chi in ugni locu, a parola si pidda, e si faci senta. E chi a dimucrazia
un hé u bé isclusivu d’ uni pochi…
Piccatu dunqua chi quiddi di a mirria ùn ci fussin stati. Ma un hè una suspresa… Chì quiddi chi hani vindutu o fattu venda pezzi e pezzi di tarra in Portivecchju ùn hani aspittatu a
fini di a prurugazioni di l’arresti « Miot »… Ogni ghjornu chi Diu faci semu di pettu a tutti issi casamenta di a francisata, chi snaturani u nosciu equilibriu patrimoniali e
suciali e aspeittemu a notti pa’ apri l’occhji e sunnià cuscenti iné u bughju, solu mumentu induva un viddimu piu issu sunniacciu vivu …
L’animatori di u foru – i nosci amichi Micheli Giraschi e Antonu Marchetti – hani spiegatu l’impurtanza di una mossa cumuna, pidendu attu di a missa in ballu di u Culletivu di Difesa di a
suciità Civila. A chjama a manifestà u 9 di frivaghju hè lampata. Ugnunu devi participà.
U foru di U Riacquistu di Portivecchju hè statu un successu. Una riusciuta di dimucrazia diretta. Issa initziativa ni chjama d’altri. Al di là, ci volli chi ogni famidda di u rughjoni si
primuressi di u so avvena parchì, a ci impara a storia umana e supratuttu quidda di u culunialisimu : « Persa a lingua, persu u Populu.
Persa a tarra, Mortu u Populu…
Ulivieru SAULI