Sabatu 9 di nuvembri, à 10 ori e mezzu di mani, « Portivechju Altrimenti » chjama tutti quiddi chi so pà un accrisciamentu ammaistratu è cuerenti di u portu di piaceri pà addunisciasi à u « terre-plein du port ».
U Riacquistu di Portivechju sarà prisenti postu chi ci semu upposti à un prughjettu chi porta – comu pà l’acqua incù Kyrnolia- a privatizzazioni di un arnesi nicissariu à u sviluppu ecunomicu è suciali di a città. Di più, U Riacquistu di Portivechju ha sempri difesu a pruposta chi a cumuna tinissi a maistria di u portu in a so glubalità . Tinarà dinò a maistria di l’impieghi, di i paghi, è di l’attribuzioni di i cunessioni cummirciali. Pudarà dinò impona tariffi sfarinziati pà i residenti à l’annata.
U Riacquistu di Portivechju ricusa ch’iddi sighini sclusi i piscadori di u so locu di travaddu parchì u portu ùn hè solu di piaceri ma dinò locu di u sapé fà è di u sapé campà trasmissi da l’anziani. Ricusa dinò chi i purtivichjacci sighini sclusi d’issu locu di vita.
Hè à no di difenda u bè pubblicu in Portivechju è d’upponaci à i logichi di spussessu chi impidiscini l’aghjenti di u rughjonu di essa attori di u so avvena.
